Бездән ярдәм булсын, Ватанны саклаучыларга файдасы тисен

Яңа Чишмә районының Ленино авылы җирлеге башлыгы Светлана Питеркина халык тырышлыгы белән гуманитар ярдәм туплап, Лисичанск шәһәренә йөк машинасы озатылуы хакында хәбәр итте.

Менделеевск районының Сәйтәк авылы клубында маскировка челтәрләре ясауны туктатмыйлар. “Әлеге эшкә балаларның да, авыл халкының да теләп кушылуы күңелле. Ватниклар, эчке киемнәр тектек. Салфеткалар төрдек. Барыбызда да бары бер теләк. Дөньялар тыныч, халкыбыз имин булсын”, – диде Сәйтәк авылы клубы җитәкчесе Ясминур Гыйзәтуллина