Авыл җирлекләрендә чисталыкка зур игътибар бирелә

22 майда Зәй районының Югары Баграж авылы мәдәният йорты хезмәткәрләре «Чиста территория» экологик акциясендә катнашты.  СДК территориясендә һәм аның артында үләннәрне чабу эшләрен башкардылар, чәчәкләр утырттылар.

Сәвәләйдә дә шундый ук эшләргә игътибар бирелде. Баганаларны агартып, клумбаларны әзерләү белән шөгыльләнделәр.

Сарсаз-Багражда да тагын бер кат чисталык урнаштыру буенча эшләнде.

«Язгы игелек атнасы» акциясе кысаларында агачлар утыртылды.

Алай гына түгел,  «Музейда уңайлылык мохите» акциясе кысаларында Сарсаз-Баграж мәдәният йорты хезмәткәрләре мәдәният йортында урнашкан музейга ремонт та ясадылар.

Бакалы районының Яңа Балыклы мәдәният йорты янәшәсендәге территориядә петуния, георгина үсентеләре утыртылды.

«Чәчәкләр утырту  матур традициягә әверелде, чөнки һәр чәчәк түтәле тиздән тормышны якты төсләр белән тутырачак, СДК хезмәткәрләренә генә түгел, ә авыл халкына да яхшы кәеф тудырачак»,– диделәр мәдәният йорты хезмәткәрләре.