Ә сез гөмбә җыйдыгызмы әле?

Кайберәүләр көннәр көзгә авышкач,  урманнан кайтып та керми. Капчыклап гөмбә җыя алар.  “Без бу чорны көтеп алабыз,  акча эшләп калу мөмкинлеге бит бу”, – диючеләре дә бар.

Ә быел гөмбә бик күп диләр. Аны бит әле җыю гына түгел, чистартып, пешереп тозлыйсы да бар. Моңа никадәр тырышлык һәм сабырлык кирәк.

Безгә Саба районының Кырбаш авылында Роза Зәкиева еш кына табигать биргән матурлыкны фотога төшереп, үз шигырьләрен язып җибәрә. Бүген ул безгә гөмбә җыюын язган һәм фотоларын юллаган. “Куе урмандагы аланнарда, агач төпләрендә гөмбә эзләү - үзе бер ял бит. Ә җыйган гөмбәңнән кунак мактап туймаслык ризыклар әзерли белү - үзе бер бәхет. Бүген көн бик тә уңышлы булды. Гомере күрмәгән гөмбәләрне күреп, җыеп, фотога төшереп кайттык”, – диде ул.