Сәвәләйлеләр тагын бердәмлек күрсәтте

“Без, сәвәләйлеләр бик бердәм халык. Үзебезнең татулыкны чиркәү җиткергәндә бер исбатлаган идек. Инде хәзер дә сынатмабыз. Авылдашлар булышлыгы белән, мобилизациядәге солдатларга гуманитар ярдәм җыйдык. Җыеп кына калмадык, көнкүреш кирәк-ярагы, җылы киемнәр, азык-төлек һәм башка әйберләрне авылдашлар белән бергәләп тартмаларга тутырып озаттык та.  Солдатларга, авыл халкы исеменнән, хат юлладык. Шулай ук, мәктәп укучылары да солдатларга, яхшы теләкләр белән, хатлар яздылар” – дип сөйләде  Сәвәләй авылы мәдәният йорты хезмәткәре Ләйлә Сабаева.