Сәйтәктә Питрауга «Яулык жыю» йоласы оештырганнар

Үткән заманнардагы җыеннарның чагыштырмача тулы йолалары барлык керәшеннәрдә дә яхшы сакланган. Питрау табигатьне олылау, аңа табыну, биргәннәренә шөкер итү, матурлыкка, табигатьнең иркенлегенә соклану. Шулай ук халыкның алда торган олы һәм җаваплы эшләре – игеннәрне урып-җыю алдыннан ял итеп алу бәйрәме дә. Менделееевск районының Сәйтәк авылында Питрауга "Яулык жыю" йоласы үткәргәннәр.

“Тиздән Питрау бәйрәме, без авылыбыз урамнары буйлап йөрдек, бүләкләр җыйдык.
Арабызда милли костюмнарда олылар да, балалар да бар иде. Күңелле булды, бәйрәм алдыннан кәеф күтәрелде”, – диде Сәйтәк авылының клубы җитәкчесе Ясминур Гыйззәтуллина.