Махсус хәрби зонадагыларны һәм якыннарын кайгыртып

Республикабызда махсус хәрби операциядә катнашучыларның балалары өчен тиешле 20 мең сум күләмендәге пособиене бүгенге көнгә 12 мең 763 бала алган инде.

«Барысы да үзебезнекләр» («Все свои») марофоны барышында Татарстан Премьер-министр урынбасары Ләйлә Фазлыева шулай дип белдерде.
Балаларны уку учреждениеләренә кабул иткәндә дә махсус хәрби операциядәгеләрнең балалары аерым өстенлеккә ия. 
Гаиләдә бала туган очракта, ярдәм буларак, яңа туган бала өчен кирәк-ярак та бирелә.

Махсус хәрби операциядә катнашкан кешеләргә белем алуда һәм эшкә урнашуда да ярдәм күрсәтелә. Шулай ук, кирәк булган очракларда психологлар да адаптация үтүдә ярдәм итә алалар. Казан һәм Яр Чаллы шәһәрләрендәге госпитальләрдә дә медицина ярдәме күрсәтелә. Болардан тыш, Россия оборона министрылыгының үз госпитале дә бар.

Кыскасы, Ватан кушкан бурычны үтәүче чын ир-егетләргә, мөмкинлектән чыгып, һәрьяклы ярдәм күрсәтелә бездә.