«Айбагыр» лагерена гаризалар кабул итү бара

“Айбагыр”этносменасы Яшел Үзән районында урнашкан “Мирас-Наследие” лагере базасында уза. Ул быел 12нче тапкыр 9-18 яшьлек балалар өчен үз ишекләрен ачачак. Этносменада барлыгы 78 бала ял итә алачак.

“Мирас-Наследие” этнокультура лагеренда балаларның ялы өчен тиешле уңайлыклар тудырылган, заманча спорт мәйданчыгы, осталар шәһәрчеге, ашханә бар.

Биредә балалар керәшеннәрнең тарихын һәм традициясен өйрәнәләр. Төрле конкурсларда, мастер-классларда һәм башка чараларда катнашалар. Экспортлар, танылган кешеләр белән очрашалар. Керәшеннәр тарихы, театр һәм башка тематик түгәрәкләрдә үз сәләтләрен үстерү мөмкинлеге дә бар. 18 көнлек бер путёвка бәясе – 16890 сум. 

“Айбагыр”га бару өчен, ата-анасы яки бала үзе 20 майга кадәр онлайн-анкета тутырып җибәрергә тиеш. Ул анкеталар 30 майга кадәр каралачак. 31 май – лагерьга баручы балалар списогы билгеле булачак. Түләү 1-3 июнь көннәрендә башкарылырга тиеш. Онлайн-анкетаны шушында басып тутыра аласыз.

Кызыксындырган сораулар белән һәм заявканы биргәч, “Айбагыр” сменасы координаторы Юлия Дуваловага (тел.: +7 927 432-24-30) мөрәҗәгать итәргә кирәк. Шулай ук, барлык мәгълүматны безнең сайттан да tuganaylar.ru карап бара аласыз.