"Туганайлар"ның баш редакторы Юлия Губина иң күп газета алдыручы төбәкләрне атады

“Туганайлар” газетасы баш редакторы Юлия Губина уз чыгышында подписка сүлпән баруы турында әйтте. 2019 елда газетаны иң күп алдыручы төбәкләр – Мамадыш, Яр Чаллы һәм Зәйне атады. Кайбыч, Питрәч, Кукмара, Менделеевск районнарында керәшеннәр күп булса да, “Туганайлар”ны алдыручылар аз булуын белдерде. Шулай ук, ул газетаның сайтын, социаль челтәрләрен дә анализлады ул. 2019 елның нәтиҗәләре буенча, сайтка көн саен уртача 480 уникаль кеше керә һәм алар көн саен уртача 1200 просмотр ясый икән. “Официаль мәгълүматлар буенча, Россиядә керәшеннәр 34 меңнән артык. Күпләр бу саннар белән риза да түгел. “Без күбрәк, дип, саныйлар”. Тик “Туганайлар” газетасында да, сайтында да активлык күрсәтүчеләр бик аз. Ә бит “Туганайлар” – керәшеннәрнең бердәнбер газетасы, информацион чыганагы! Кайда соң ул керәшеннәр?” – дигән мөрәҗәгать итте баш редактор.
 

Бу темага:

Республика керәшен оешмасының идарә утырышы булды

Чистай керәшен оешмасы: этник бәйрәмнәр оештырганда яшьләрне җәлеп итәбез

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.