Республика керәшен оешмасы исполком җитәкчесе Людмила Белоусова еллык эшкә отчёт ясады

Республика керәшен оешмасы исполком җитәкчесе Людмила Белоусова еллык эшкә отчёт тотты. Ул традицион проектларның (“Питрау”, “Туым жондозы” фестивальләре, “Айбагыр” этнолагере һәм башкалар) уңышлы гына тормышка ашырылуын искәртте. Студентлар һәм галимнәр тарафыннан керәшен фольклоры фәнни яктан тикшерелеп, китаплар басылуы һәм туган телгә багышлап уздырылган чаралар турында да әйтеп узды. Шулай ук, керәшеннәр белән чит ил галимнәре кызыксынуын да искәртте. Шуларның берсе – Францияле Ален Вио, республиканың берничә районында экспедициядә булды. Идарә членнарына япон галиме Акира Сакураманың керәшеннәр турында язган китабын да күрделәр. Оешманың “Бәрәкәт” яшьләр бүлеге белән тыгыз элемтәдә булуын да билгеләп узды Людмила Белоусова.
Керәшен оешмасы быел, узган еллар белән чагыштырганда, дәүләттән бернинди грантлар да отмаган. Шулай да, оешма кирәкле һәм файдалы чаралар оештырган.
Иван Егоров оешма эшенә бәя биреп, уңышлы эшләп килүче район керәшен оешмаларына рәхмәт әйтте, киләчәктә дә шул темпны югалтмыйча эшләргә бурыч куйды.

Бу темага:

Республика керәшен оешмасының идарә утырышы булды
Чистай керәшен оешмасы: этник бәйрәмнәр оештырганда яшьләрне җәлеп итәбез

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.