Кәвәл авылы көе

Суда балык җөзәдер лә,

Су салкынын сизәдер шул, сизәдер;

Ауылыгызда бер матур бар,

Үзәгемне өзәдер шул, өзәдер.

Әкрен кирәк, ипләп кирәк,

Ишетергә сандугач сайрауларын.

Шомырт кара чәчләре лә

Шомарадыр тараса, ай, тараса;

Күңелемә җал буладыр,

Бер җылмаеп караса.

Әкрен кирәк, ипләп кирәк,

Ишетергә сандугач сайрауларын.

Башыңа җапкан җаулыгың

Җаңа җауган кар кебек, ай, кар кебек;

Җөзләрең тулган ай кебек,

Акылың сары май кебек, ай, май кебек.

Әкрен кирәк, ипләп кирәк,

Ишетергә сандугач сайрауларын.