Фотоларда — керәшен тарихы

Фотоларда — керәшен тарихы

Түбән Кама шәһәренең 47нче балалар бакчасы күп еллар дәвамында «Керәшен халкының тарихы һәм мәдәнияте» юнәлешендә актив эшләп килә. Бакчада Елизавета Михайлова җитәкче булган елларда ук бу эшкә тотынган булганнар. Хәзерге бакча мөдире Зөлхиҗә Галимҗановна да керәшен бәйрәмнәрен, уен-йолаларын өйрәнүгә аерым игътибар бирә. 

Балалар бакчасында шушы җирлекнең узган тарихына багышланган альбом саклана. Ә анда тормыш китабы булырлык фотосурәтләр тупланган. Вакыт агышы үз эзен калдырган сурәтләрнең берсендә өч мөлаем керәшен кызын күрергә мөмкин. Ул заман инде тарихта гына калса да, бәлки бу кызларны танучылар булыр? 

47нче бакча хезмәткәрләре аларның үзләренә 8(855)30-16-56 номеры белән телефоннан шалтыратуларын көтәләр. Әлбәттә, «Туганайлар» редакцияcе (тел.:+7-917-250-97-95) белән дә элемтәгә керерсез, дип өметләнәбез.