Зәйдән өч карендәшебез бүләкләнде

Семинарның психологик-педагогик ярдәм үзәгендә уздырылган пленар өлешендә бер төркем активистларга генерал-майор Александр Бородин бүләкләр тапшырды. Бүләкләнүчеләрдән өчесе — карендәшләребез. 

9 ел элек оештырылган «Юнармия» хәрәкәтенең Зәйдәге штабында беренче начальник булган Валентин Атласов I дәрәҗә «Юнармейская доблесть» күкрәк билгесе белән бүләкләнде. 

ДОСААФның Зәй җирле бүлеге начальнигы Николай Глуховка да I дәрәҗә «Юнармейская доблесть» күкрәк билгесе бирелде. 

Зәй районы ветераннар советы председателе Алексей Алексеев «Татарстан Республикасы ветераннар союзы» иҗтимагый оешмасының «Хезмәтләре өчен» дигән мактаулы билгесенә лаек булды. 74 яшьлек Алексей Васильевич махсус хәрби операциядәге якташларга гуманитар ярдәм җыюда башлап йөри, яшь буынны партриотик рухта тәрбияләү өчен күп көч куя.

«Татарстан Республикасы ветераннары союзы» иҗтимагый хәрәкәте җитәкчесе, «Юнармия РТ» штабы начальнигы, семинарда катнашкан генерал-майор Александр Бородинның Зәй җиренә беренче килүе. Ул төбәк музеенда, социаль ярдәм үзәгендә булып, 6нчы мәктәптә «Юнармия»челәр эшчәнлеге белән танышты.