Хуҗа Хәсән авылының асыл заты - Елизавета Бартязова

Хуҗа Хәсән авылы хезмәт сөючән, җыр-монга гашыйк, үткәннәрнең тарихын өйрәнеп, бүгенге һәр аткан таңга шатланып яши торган халыкка бай. Шуларның берсе шул авылда туып-үскән авылдашыбыз Елизавета Бартязова (Долгова) кызы.

Лиза 10 балалы колхозчылар гаиләсендә өченче бала була. Кечкенәдән җыр-биюне ярата. Кечкенә Лиза һәр көн апасы белән фермага йөри.  Аларны сыйпап, алар белән сөйләшеп йөри. 8 нче сыйныфны бетергәч, авылдашлары белән Казанга китә, кибетче профессиясе буенча белем ала. Казанның зур бер кибетендә эшли башлый. Ләкин, ферма, авыл исеннән чыкмый. 1 елдан туган авылына кайта һәм фермага эшкә керә. Эшкә тиз өйрәнә, күрсәткечләре дә елдан ел арта. Авылда мезанизатор булып эшләүче Юрий Бартязов белән 1977 елда гаилә корып, бер ул ике кыз үстерәләр.

Лизаның тырыш хезмәте дәүләт тарафыннан югары бәяләнә. Ул Татарстан Республикасының «Атказанган терлекчесе » дигән исемгә лаек була. Күп төрле бүләкләр, призлар белән бүләкләнә. «Женщина года» «Мужчина года» конкурсында җиңүче булып диплом белән буләкләнә.

2011 елда Россия Федерациясең Атказанган терлекчесе исеме бирелә. 2023 нче елда Казан сабантуй бәйрәменә чакырыла.

Лиза буген лаеклы ялда. Ире Юрий белән әле хуҗалыгында сыер, бозау, кош корт үстерәләр. Аларның 6 оныгы бар. Лиза авылда оештырыла торган һәр чарада, «СВОИХ не бросаем», «Ярдәм янәшә» акцияләрендә актив катнаша, скандинавия йөреше белән шөгыльләнә.