Виталий Агапов: «Яшьләр өйрәнмәсә, җыруларыбыз югалыр иде»

Виталий Агапов – фестивальнең кунагы гына түгел, ә күп кенә конкурсантларның остазы да. Виталий Васильевич аларны фестивальгә әзерли. Быел солистлар арасында Гран-при яулаган Яр Чаллы кызы Адилә Ишалинаның да остазы нәкъ менә ул үзе.

«Туым Жондоз»ы  — керәшен дөньясында  бик кирәкле конкурс. Чөнки җыруларыбыз киләчәк буынга тапшырылмаса, аларны яшьләр өйрәнмәсә, бөтенләй югалыр иде. Беренче еллардагы кебек үк, катнашучылар хәзер дә фестивальгә зур теләк белән килә. Зур уңышка ирешәләр, кемдер әлеге җырлар белән киләчәккә атлый. Мондый конкурслар алга таба да уздырылсын. Аларны без сакларга тиешбез. «Туым Жондозы» сәхнәгә чыгарган балалар киләчәктә үз максатларына ирешсеннәр», – дип теләкләрен җиткерде ул.

Фото: Фрида Вәлитова