V Керәшен яшьләре форумы старт алды

Бүген делегатлар Петровский поселогының Регина отеленә, V Керәшен яшьләре форумына җыелды. Урнашып, теркәлү узгач, делегатлар өчен төрле мастер-класслар башланып китте.

Беренчесе — интеллектуаль квиз. Делегатлар 4 төркемгә бүленеп, керәшен җырулары, шәхесләре, бәйрәмнәре буенча ребуслар чиштеләр. 

Соңыннан алар керәшен биюе һәм милли киеме һәм музыка уен кораллары буенча мастер-класс та катнашты. Керәшен биюе буенча мастер-классны Казан дәүләт мәдәният институтының хореография сәнгате кафедарсының өлкән укытучысы Оксана Коваленко уздырды. Делегатлар керәшен биюнең төп элементларын өйрәнделәр.

Керәшен милли киеме һәм уен кораллары буенча интерактив лекцияне Я. Емельянов исемендәге мәдәни үзәкнең әйдәп баручы белгече Павел Александров алып барды. 

Кич белән делегатларны керәшеннәрнең «Бәрмәнчек» дәүләт фольклор ансамбле концерты үзенә җыйды.

Концерттан соң Павел Лукин белән «Бизнес өчен шәхси бренд» дигән темага лекция булды.

ФОТОРЕПОРТАЖ