«Урагай» халык ансамбле Кукмарада хәйрия концертында катнашты

Концертта  Балтач, Саба, Теләче, Мамадыш, Чаллы, Киров гармунчылары һәм җырчылары үз чыгышларын тамашачыга күрсәткән. Кичәнең оештыручылары: Минемулла Галиев һәм Марс Никитин.

Концертта Мамадыш районыннан керәшеннәрнең «Урагай» халык ансамбле дә катнашып, үз өлешен керткән.

«Авыл советы җитәкчесе, үз төбәкләреннән хәрби хезмәткә китүчеләрнең исемнәрен халыкка җиткерде. Туган җирләренә кайта алмаган солдатлар бер минутлык тынлык белән искә алынды. Концерт фестиваль дәрәҗәсендә оештырылган дип әйтсәң дә була. Чыгыш ясаучыларны халык яратып кабул итте, көчле алкышлар, рәхмәт сүзләре белән озатып калдылар. Без дә рәхмәт сүзләребезне юллап калабыз», – дип сөйләде Урагай ансамбле җитәкчесе Татьяна Петухова.

Мондый концертлар декабрьдә дә дәвам итәчәк. 

Фотолар Римма Кузнецовадан.