«Туым Жондозы» конкурс-фестиваленең өченче сайлап алу туры Кукмарада узачак

"Туым Жондозы" – керәшен мәдәниятен саклау һәм үстерүгә юнәлдерелгән уникаль конкурс-фестиваль. Аның төп максаты – халык җырларын башкаручы талантлы үзешчәннәрне барлау, иҗат коллективларының осталыгын арттыру һәм толерантлыкны ныгыту.

Фестивальдә катнашучылар өч яшь категориясендә көч сынаша:

• Балалар группасы: 7 яшьтән 11 яшькәчә
• Яшүсмерләр группасы: 12 яшьтән 17 яшькәчә
• Яшьләр группасы: 18 яшьтән 35 яшькәчә

Беренче зона ярышы 26 ноябрь көнне Тукай районының Мәләкәс авылында узачак. Монда Азнакай, Алабуга, Әлмәт, Зәй, Лениногорск, Менделеевск, Минзәлә, Мөслим, Сарман, Түбән Кама,Тукай, Чистай, Яр Чаллы һәм Яңа Чишмә районнары көч сынашачак.

Икенче зоны – 28 ноябрьдә Казанда. Әлеге зона этабында Алексеевск, Әтнә, Казан, Яшел Үзән, Биектау, Кайбыч, Лаеш, Питрәч, Балык Бистәсе районнары катнашачак.

Өченче зона – 2 декабрьдә Кукмарада. Әлеге зона этабында Кукмара, Арча, Мамадыш, Балтач, Теләче, Саба районнары катнашачак.

Конкурс түбәндәге номинацияләр буенча уздырыла:

• «Халык вокалы» (соло);
• «Фольклор-эстрада вокалы» (соло);
• «Фольклор-этнографик ансамбль»;
• «Халык җыруларын башкаручы вокаль ансамбль»;
• «Этник вокаль-инструменталь башкару».

Фото: Туганайлар