Конкурс туган телләргә һәм Татарстан халыкларының мәдәниятенә багышланган иде. Чараның максаты: туган телләрне, гореф-гадәтләрне саклау һәм үстерү, күпмилләтле республика халкы арасындагы дуслыкны ныгыту.
Катнашучылар төрле номинацияләрдә үз иҗатлары аша туган телләренә һәм мәдәниятләренә булган мәхәббәтләрен белдерә алдылар.
"Без зур кызым, студентка белән бергә "Тел - милләтебез хәзинәләре" дип исемләнгән республика конкурсында катнаштык. Монда буыннан-буынга күчеп килгән милли керәшен костюмы тарихын уртаклаштык Бу “Милли костюм, аның тарихы һәм символикасы турында сөйләп күрсәтү” номинациясе иде.
Өлкән буын кешеләре арасында әле үзләре сугып, үзләре теккән, борынгыдан килә торган үрнәкләр белән бизәлгән киемнәрне очратырга мөмкин.
Аларны әле хәзер дә кадерләп сандык төпләрендә саклыйлар һәм бәйрәм, туй вакытларында киеп тә йөриләр. Миндә дә андый үзенчәлекле күлмәкләр бар: Берсе – Керәшен Казысы авылында Аудый әбидән калган – кызыл күлмәк, чәчәкле алъяпкыч (бәйрәм өчен) һәм тамакса. Мин аларны кадерләп саклыйм. Икенчесе, иремнең Марҗи әбидән(Балчыклы авылы Түбән Кама районы) кадерләп сакланган- кызыл күлмәк һәм кара алъяпкыч.Бөтенесен мин яратып бәйрәмнәргә, фолкдәресләргә киям һәм туганнар, үз балаларым өчен саклыйм”, – дип сөйләде Ирина.
Фотолар Ирина Калмыковадан.
Нет комментариев