Түбән Биш авылында чиркәү төзелеше алдыннан келәү узды

Келәүне Зәй округы благочинные, иерей Родион Садыков башкарды.

«Бүгенге көннең яңалыгы бик саллы – авылыбыз тарихында зур вакыйга. Түбән Биш авылында төзеләчәк изге Гурий чиркәве нигезен аруландыруга Ходаебыз үз фәрештәләрен ак болытларга киендереп җибәргән һәм керәшеннәрнең йөрәгендә Олы бәхетле кояшлы көн булып мәңгегә урнашыр.Чиркәү буласы урынга башыру качы куелды һәм аның төзелешенә бәхиллек бирелде», – дип сөенечле яңалык белән уртаклашты Түбән Биштән Лидия Иванова.

Отец Родион җыелган халыкка мөрәҗәгать итеп, чиркәүнең тизрәк төзелүе өчен теләк итүне көчәйтергә һәм бу ару эштә барлык битараф булмаган кешеләрнең ярдәм итүен сорады. Шулай ук, Ходайның чиркәү төзелешен бәхилләп, бу изге эштә катнашучыларга ярдәм бирәчәгенә өмет белдерде.

Л.Кузнецова, Л. Ермолаева фотолары.