Татарстанда контракт буенча хезмәт өчен медиклар җыю ачылган

Бу хакта «Татар-информ» га контракт буенча хезмәткә сайлап алу пункты офицеры Егор Горячев сөйләгән. 

«Бердәнбер искәрмә шунда ки, пилотсыз системалар гаскәрләрендәге кебек берничә ай дәвамында укыту булмаячак. Чөнки табиблар-ул инде квалификацияле белгечләр. Контракт төзегәннән соң аларга шулай ук барлык түләүләр һәм ташламалар каралачак», — дип сөйләгән Егор Горячев.

1 гыйнвардан Татарстанда РФ Оборона министрлыгы белән контракт төзергә теләүче гражданнарга түләүләрне 2,9 млн сумга кадәр арттырдылар, бу илдә һәм Идел буе федераль округында иң югары түләүләрнең берсе. Әлеге түләү ике өлештән тора: 2,5 млн сум Татарстан бюджетыннан бирелә, ә 400 мең сумны министрлык бирә. Нәкъ менә Татарстанда бүгенге көндә махсус хәрби операциядә катнашучылар һәм аларның гаиләләре өчен 3 меңгә якын ярдәм чарасы гамәлдә.

Моннан тыш, Татарстанда контракт буенча пилотсыз системалар гаскәрләренә хезмәткә актив җыю бара.

Хезмәткә контрактка кул куярга теләүчеләр өчен, шул исәптән Татарстанда пилотсыз системалар гаскәрләренә дә, 117 нче хезмәт аерым Кайнар линия ачты, аңа 117 нче номерга шалтыратып һәм 4 нче төймәгә басып эләгергә мөмкин.

Яңа гаскәр сугышчылары очучы, йөзүче һәм җир буйлап очучысыз хәрәкәт итүче бөтен нәрсә белән идарә итәчәк. Пилотсыз системалар гаскәрләрендә хезмәт итүнең төп үзенчәлекләренең берсе контрактның бер елдан соң төзелүендә һәм автомат рәвештә озайтылмавында. Моннан тыш, хәрби хезмәткәрне башка гаскәрләргә күчермәячәкләр, укулар Татарстан белән күрше төбәкләрдә кимендә ике ай узачак.

Шәһри Казан