Село-Чура мәктәбендә Пермь краеннан килгән кунаклар булды

Барда муниципаль округы башлыгының социаль мәсьәләләр буенча урынбасары Т.Балтаева, мәгариф идарәсе башлыгы Т.Мукаева һәм мәгариф оешмалары җитәкчеләреннән торган делегация Кукмара районында булды.

Эшлекле сәфәрләре барышында алар районның Село-Чура мәктәбенә дә килделәр. Мәктәп ишегеннән керүгә үк, аларны керәшен милли киемендәге укучылар каршы алды. 

Кунаклар керәшеннәрнең мәдәнияте, көнкүреше һәм милли ризыклары белән таныштылар, шулай ук, мәктәп музеена да керделәр. Анда укучыларның кул эшләреннән торган һәм патриотик тәрбиягә багышланган күргәзмәләрне карадылар. Мәктәптәге «Үсеш ноктасы» кабинеты да кунакларга ошады.