Сәйтәклеләр «Посылка солдату» патриотик акциягә кушылды

Сәйтәклеләр, егетләргә әзрәк ярдәм итү максаты белән «Посылка солдату» дип аталган патриотик акциядә катнашты. Алар токмачны әбиләр өйрәткәнчә, җан-тәннәре белән, теләк әйтеп, ашыкмыйча кискәннәр. Бу токмач алгы сызыктагы коры ашлар өчен нигез булып торачак.

«Безнең егетләр кайнар суга токмач өстәп, өйдә пешерелгән ризык тәмен тоярлар. «Сугыш кырын корал яулый, ә сугышчының рухын өйдәге мохит күтәрә», — дип әйтә клуб җитәкчесе Ясминур Гыйззәтуллина.

Ул ярдәм иткән барлык волонтерларга рәхмәт белдерде.

«Кулларыбыз арыдымы? Юк. Әз генә ярдәмебез тиюенә өметләнәбез», –  дип өстәде ул.

Сәйтәклеләрнең бу гамәле, һичшиксез, күпләр өчен үрнәк булырлык. Аларның Ватанны ярату хисләре, чик буенда хезмәт итүче егетләргә булган кайгыртучанлыгы күңелләрне җылыта.

Ясминур Гыйззәтуллина фотолары.