Сәйтәк авылы үзешчәннәре «Саулык» социаль ярдәм үзәгендә булганнар

Монда социаль хезмәтләрдән файдаланучы кешеләр (мәсәлән, өлкәннәр, мөмкинлекләре чикләнгән кешеләр, авыр тормыш хәлендәге гаиләләр) өчен әледән-әле төрле чаралар үткәрелеп килә.

Шушы көннәрдә генә Сәйтәк һәм Татар Тәкәше авылларыннан үзешчән сәнгать осталары барып, социаль хезмәтләрдән файдаланучы кешеләрне үз яклары традицияләре белән таныштырдылар. Алар өчен «Аулак өй»не күрсәттеләр.

“Авыл клубларының сәнгать үзешчәннәре чыгышларын карадылар: җырлар, биюләр, халык уеннары оештырылды. Һәм болар барысы да тере аккомпанемент астында – баянга кушылып башкарылды. Сәйтәк авылы үзешчәннәренең керәшен җыруларын ишеттердек. Керәшен киемнәребез белән таныштырдык. Ял итүчеләр безнең белән биеделәр, уйнадылар, таныш җырларга кушылып җырладылар”, – дип хәбәр итте клуб җитәкчесе Ясминур Гыйззәтуллина.

Фото Ясминур Гыйззәтуллинадан.