Пчеловод авылында маскировка челтәрләре үрделәр

Бу бердәмлек, бер-береңә ярдәм итү теләге безнең халыкта канга сеңгән диярсең. Пчеловод авылы халкының бу адымы башкаларга да үрнәк булсын.

«Бу изге эштә катнашкан һәркемгә чиксез рәхмәтләребезне белдерәбез. Илләребез тыныч булсын, махсус хәрби операциядә катнашучы егетләребез исән-сау әйләнеп кайтсыннар иде. Һәркем үз өлешен кертеп, кулдан килгәнчә ярдәм итсә, җиңү дә якынрак булыр. Әлеге челтәрләр егетләребезгә дошман күзеннән сакланырга, үзләрен иминлектә хис итәргә ярдәм итәр, дип ышанабыз. Безнең теләкләребез, йөрәк җылыбыз алар белән бергә. Һәр көнне аларның исән-сау әйләнеп кайтуын теләп яшибез. Тынычлык урнашсын, балалар елмаеп уйнасын», – дип хәбәр итте авыл клубы җитәкчесе Лариса Александрова.