Монай авылында махсус хәрби операциядә катнашучыларга ярдәм әзерлиләр

Авыл халкы, үзләренең күңел җылысын һәм кайгыртучанлыгын кушып, маскировка челтәрләре үрәләр.

Көннәрен эш урыннарында уздырганнан соң, кичләрен «Күңел җылысы» дип исемләнгән патриотик төркем волонтерлары Монай мәдәният йортында җыелалар. Бу игелекле эштә авылның барлык теләгән кешеләре катнаша ала.

Мәдәният йорты җитәкчесе Надежда Бакаева, бу эшкә кушылучы һәркемгә зур рәхмәт белдерде. Ул билгеләп үткәнчә, үрелгән барлык челтәрләр, шулай ук авыл халкы китергән җылы оекбашлар, киемнәр һәм солдатларга язылган хатлар, хәрбиләребезгә җибәреләчәк.

«Безнең  үрелгән челтәрләр, бәйләнгән җылы оекбашлар солдатларга ярдәм итәр дип ышанабыз, - ди Надежда Бакаева. – Бу игелекле гамәл, хәрбиләребезнең рухын күтәреп, аларны туган якларының җылысы белән берләштерәчәк».

Надежда Бакаева фотолары.