Минзәлә мәдәният йортында керәшеннәрнең йола-гадәтләре турында сөйләделәр

“Керәшеннәрнең мәдәнияте: йола-гадәтләре” дигән очрашуда Минзәләнең 1 нче мәктәбендәге 5 нче класс укучылары катнашкан.

 Укучыларга керәшен җәмгыяте җитәкчесе Светлана Упаева керәшеннәрнең бай мәдәни мирасы турында кызыклы мәгълүматлар җиткергән. Ул бәйрәмнәр, йолалар һәм традицияләр турында презентация тәкъдим иткән, шулай ук керәшен биюләре буенча мастер-класс үткәргән.

Очрашуда якташлары Рифнур Кәбиров керәшен җыруларын башкарган. Балалар бик яратып тыңлап утырганнар.

Дусай-Кичү мәдәният йорты җитәкчесе Г. Гайсина балаларны керәшеннәрнең милли аш-су серләре белән таныштырып, шишара пешерү буенча мастер-класс оештырган. Укучылар актив катнашып, сораулар биреп, җырлап, биеп, вакытларын күңелле уздырганнар.

Бәйрәм ахырында бергәләп чәй эчеп, күңелле мизгелләр белән очрашуны тәмамлаганнар.

Светлана Упаева фотолары.