Казандагы «Төп йортның йолаларда чагылышы»нда керәшеннәр дә катнаша

Сигез милли ишегалды һәр халыкның үз көнкүрешен чагылдырган экспонатлар белән бизәләчәк. Ишегалларында халыкны төрле районнардан килгән фольклор коллективлар үз йолалары белән каршы алачак.

Бәйрәм кунаклары өчен бай программа әзерләнә. Чарага килгән кунакларны төрле мастер-класслар, кул эшләре күргәзмәләре көтә.

Күргәзмәдә агачтан, балчыктан ясалган әйберләр, тал чыбыгыннан үрелгән төрле кәрзиннәр, туку станогында тукылган әйберләр, төрле мендәрләрне күреп булачак.

Балык Бистәсеннән Лариса Кибякова идән япмасы (половик) ясау буенча мастер-класс үткәрәчәк.

Концерт мәйданчыгында чыгыш ясаячак фольклор коллективлары арасында «Айбагыр», «Сүрәкә» (Түбән Кама) керәшен ансамбльләре дә булачак.

Чара 6 августта 18.00 М.Горький исемендәге ял паркында узачак.