Ижевск шәһәреннән Елена Кузнецова Порымда кунакта булган

«Әтиемнең туган ягына бару – ул минем өчен буыннар һәм вакыт арасындагы бәйләнешне тою, бабаларымны хөрмәтләү. Бу көн тулы бер фольклор экспедициясе кебек булды.

Мине клуб һәм ансамбль җитәкчесе Ксения Викторовна каршы алды, Без аның белән таныш булмасак та һәм ял көне булуга карамастан, ул эшкә килде. Кунакларны кабул итү алар өчен яңалык түгел. Күптән түгел генә аларда блогерлар –  төрле милләт вәкилләре булган 10 яшь кеше, "Маршрут төзелгән! Удмуртия күпмилләтле!" проекты кысаларында, кунакта булып киткәннәр. Порым авылында һәр кунакны ихлас һәм җылы каршы алалар.

Башта мин музей бүлмәсенә кердем. Узган гасырдагы әби-бабайларымның күлмәкләрен күрергә ничек хыялланганымны белсәгез иде! Әлбәттә, киемнәрне киеп тә карадым. Миңа кием тегү үзенчәлекләре, тукымасы, төсләре, бизәк элементлары турында сөйләделәр. Аннары мин "Тәңкәләр" керәшен ансамбле белән бергә сәхнәгә чыктым, алар минем өчен җырлады һәм биеделәр.

Без күңелле аралаштык, баш киеменең эскизын (музей экспонаты) ясадык. Шулай ук, балаларны үз тамырларының мәдәниятенә һәм йола-гадәтләренә тарту өчен бу очрашулар традициясен дәвам итәргә килештек. Бу көн мәңгегә минем хәтердә һәм күңелемдә калды».

Елена Кузнецова фотолары