Югары Багражда чиркәү ачылуга әзерлек эшләре бара

Югары Баграж авылындагы Изге Троица чиркәве 1887 елда хәйрияче, сәүдәгәр Иван Стахеев акчасына төзелгән. Совет хакимияте вакытында чиркәү ябыла һәм авыл клубы буларак кулланыла, алтарь өлешендә сәхнә була. 2025 елның августында владыка Мефодий чиркәү өчен иконаларны һәм чаңнарны аруландырды.

Кичә, Югары Багражда, 1 июнь көнне чиркәү ачылуга, әзерлек эшләре тотынды. Зур өмә үткәрелде.

“Өмәгә авыл халкы гына түгел, читтә яшәүче авылдашларыбыз да кайтты. Без эшләгәндә коеп яңгыр ява башлады, берәү дә эштән туктамады.Тример белән үлән чабучылар да, кара туфрак кертеп газон ясаучылар да, җыештыручылар, эчтән дә, урам яктан да тәрәзә юучылар да, төзелеш калдыкларын җыештыручылар да чылансак та, күтәренке күңел белән эшләдек. Мәдәният йорты хезмәткәрләре басудагы баганаларны буядылар. Григорий Коронов, Костя Петров үз тракторлары белән авыл территориясендәге чүп үләннәрне чаптырдылар. Барлык катнашучыларга рәхмәтлебез. Чиркәү ачыласы көнне кунаклар күп булыр дип өметләнәбез», – дип сөйләде Югары Багражда яшәүче Федора Краснова.

Федора Краснова фотолары.