Иске Тәрбит мәктәбендә Әфган сугышы ветераннары белән очрашу узган

Мәктәптә узган очрашуның кунаклары – әлеге мәктәпне тәмамлаган укучылар, Әфган сугышы ветераннары Алексей Русов, Владимир Лебедев, Владислав Тимофеев булган.

«Чит җирләрдә авыр сынаулар үткән бу кыю кешеләр, укытучыларына зур хөрмәт белән, мәктәп бусагасын яңадан атлап керделәр. Аларның һәрберсе үз укытучылары Григорий Захаровка рәхмәтле. Кунаклар мәктәп музеенда булдылар. Монда яшь йөрәкләр Ватанны сакларга омтылган, батырлык һәм каһарманлык күрсәткән еллар турындагы истәлекләр саклана.

Әфганчылар, мәктәп коридорларыннан үтеп, зур тормышка юллары башланган классларында кабат булдылар. Мәктәп укучылары ветераннарның хикәяләрен игътибар белән тыңладылап, сугыш фаҗигасен һәм тынычлык бәясен яхшырак аңларга тырыштылар», – дип сөйләде директорның тәрбия эшләре буенча урынбасары Лариса Камышова.

Очрашу җылы һәм күңелле үтте, анда катнашучыларның барысын да Ватанны саклаучыларга рәхмәт хисе һәм илебез тарихы өчен горурлык хисе биләп алды.

А.Акрымов фотолары.