Теләче районының Баландыш авылында, дүртенче тапкыр “Түгәрәк уен + Блогерлар сабан туе” дип исемләнгән фольклор бәйрәме узды.
Бәйрәм кунаклары һәм блогерлар уен-ярышларда катнашып үз күңелен күрде. Бәйрәм чарасын Караширмә, Олы Мишә, Иске Карабаянның "Беләзек", Түбән Саурыш, Баландыш авылллары һәм Арча районыннан килгән фольклор коллективлар бизәде.
Чарабызда зур кунаклар – район башлыгы Айрат Фатхуллин, «ТАТМЕДИА» республика массакүләи мәгьлүмат чаралары җитәкчесе Айдар Сәлимгәрәев, Теләче якташлар җәмгыяте рәисе Ирек Даутовлар катнашты.
- Бүген менә районыбызда, чын мәгьнәсендә зур бәйрәм. Инде дүртенче ел җыелабыз шушы җыенга. Бик зур рәхмәт оештыручыларга, иганәчеләргә, – диде район башлыгы чараны ачып җибәреп.
Бәйрәм чарасын Татарстан Республикасының халык артисты Зәйнәб Фәрхетдинова һәм райондашыбыз Гөлүс Хәбибрахманов матур җырлары белән бизәде.
Илнур Валиуллин фотолары.
Нет комментариев