Яңа Усы авылында Җиңү көнен бәйрәм итүгә әзерлек эшләре кайный

Иң беренче игътибар төп объект – хәтер обелискына юнәлдерелгән. Тирә-яктагы территорияне тәртипкә китереп, буяуларын яңартканнар.

«Авыл җирлеге җитәкчелеге, мәдәният хезмәткәрләре, авыл халкы бергәләшеп башкара бу эшне. Буяу өчен яңа материаллар сатып алынды, геройларның исемнәре язылган табличкалар яңартылды. Тәүлекнең караңгы вакытында ул матур булып ерактан күренсен өчен, обелискны яктыртуга аерым игътибар бирелде», – дип сөйләде авыл җирлеге башлыгы Галина Романова.