Яңа Маты авылында яшәүчеләр махсус операциядәгеләргә ярдәм итүдән туктамый

Алар махсус хәрби операциядә катнашучылар өчен бик кирәкле әйбер – маскировка челтәрләре ясауны дәвам итә. Авыл халкы бу эшне бик җаваплылык белән башкара. Китапханәче Валентина Савельева әйтүенчә, аларның төп максаты – солдатларның гомерен саклап калу һәм аларның өйләренә исән-сау әйләнеп кайтуларына өлеш кертү. Ул шулай ук һәр авылда шундый бердәм командалар булуының мөһимлегенә басым ясый.

Көн саен Яңа Маты авылының иң актив кешеләре мәдәният йортына җыела. Алар арасында өлкәннәр дә, яшьләр дә бар. Һәркем үзенең көченнән килгәнчә ярдәм итә: кайберәүләр каркас әзерли, икенчеләр тукыма кисәкләрен кисә, ә өченчеләр челтәрне үрә. Бу эш күп көч таләп итсә дә, волонтерларның йөзләрендә ару билгеләре күренми. Аларның күңелләрендә бер генә теләк – якташларына ярдәм итү һәм аларның гомерен саклау.