Ялтаннан Елизавета Колесникованың сабырлыгы һәм башкаларга игътибары һәркемгә үрнәк булырлык

Ул бүген дә якыннарына киңәшләрен биреп, яшьләргә үрнәк булып яши.  Чуаш Ялтанында озак еллар намуслы хезмәт куйган, күпләргә үрнәк булган ветеран карендәшебезнең юбилеен зурлап билгеләп уздылар.

Елизавета Васильевна үзенең тормыш юлында күп сынауларны үтеп, һәрвакыт югары әхлакый сыйфатларны саклап калган шәхес. Аның тырышлыгы, сабырлыгы һәм башкаларга карата булган игътибары һәркемгә үрнәк булырлык. Юбилей хөрмәтенә котлау тантанасы җылы мохиттә узды. Ветеранны якыннары, дуслары һәм хезмәттәшләре котлады, аңа сәламәтлек, бәхет һәм озын гомер теләделәр.

«Елизавета Васильевнаның һәр сүзе, һәр киңәше безнең өчен бик кадерле. Аның тормыш юлы – безнең өчен үрнәк. Арабызда шундый аның кебек акыллы, сабыр һәм мәрхәмәтле кешеләрнең булуы – безнең өчен зур бәхет», – дип сөйләде актив хәбәрчебез Нина Никитина.

Н.Никитина фотолары.