«Бергә ял иттек»: Ләке мәктәбе хезмәткәрләре Әлмәт театрында булганнар

Театрларга йөрергә кем генә яратмый икән?! Г.Тукай язганча «Театр –  яктылыкка нурга илтә». Кемгәдер, анда бару ниндидер бер бәйрәм кебек. Ә якыннарың, коллегаларың белән бару аеруча рәхәт. Ләке мәктәбе хезмәткәрләре дә бергәләшеп Әлмәт театрында спектакль карап кайтканнар.

«Театрга бару укытучыларның һөнәри үсеше өчен мөһим элемент булып тора. Бу дөньяны киңрәк күрергә, гомуми культура дәрәҗәсен күтәрергә һәм эмоциональ тәҗрибәне баетергә мөмкинлек бирә. Театр иҗади фикерләүне һәм хисләрне белдерү сәләтен үстерергә ярдәм итә, бу аеруча балалар белән эшләүчеләр өчен мөһим», – дип әйтә алар.

Эльмира Дәүләтшина фотолары