«Бәрәкәт» яшьләргә яңа проект әзерләде

«Бәрәкәт» мини-конкурсында катнашырга теләүче егет-кызларга 20 апрельгә кадәр гариза бирергә кирәк.

Конкурсны Татарстан төбәк керәшен иҗтимагый оешмасының «Бәрәкәт» яшьләр бүлеге оештыра. Анда Татарстанда яшәүче 18-35 яшьлек һәркем катнаша ала. Конкурсның гомуми призлар фонды: 100 мең сум.

Аның өчен түбәндәге номинацияләрнең үзегезгә ошаганын сайлап, проект эшегезне юлларга кирәк:

— «Наследие предков». Проект тарихыбызны, этнографияне һәм культурабызны өйрәнүгә ярдәм итүгә юнәлдерелгән булырга тиеш. 
— «Вместе». Бу проект талантлы яшьләргә ярдәм итүне һәм мәдәни чараларны оештыруны күздә тота. 
— «Территория добра» (волонтерлык һәм игелек). Максат — социаль проблемаларны хәл итү һәм буыннар арасындагы элемтәне ныгыту. 
— «Молодежный актив». Проект яшьләр активын әзерләү һәм ял вакытын файдалы уздыруны үз эченә ала.
— «Соседи». Проектның максаты — милләтара хезмәттәшлекне үстерү.

Конкурста катнашырга теләүчеләр үз гаризаларын, «Конкурс мини-проектов» дип күрсәтеп, электрон адреска mo@baracat.ru юллый алалар.

Белешү өчен телефон: +7 (917) 277-78-29.

Фото: Алина Кондратьева