«Айбагыр» лагеры дәдәй һәм түтиләрне җыя

«Айбагыр» этносменасы 23 июльдән 9 августка кадәр эшлиячәк. Ул быел 15нче тапкыр оештырыла. Керәшен балалары өчен булган «Айбагыр» Яшел Үзән районындагы «Мирас-Наследие» лагерында узачак.

«Айбагыр» этносменасының җаваплы кешеләре — вожатыйлар, ягъни дәдәйләр һәм түтиләр.18 көн дәвамында алар отрядтагы һәр баланы үз энесе һәм сеңелесе урынына күреп, дуслашып, туганлашып бетә. Вожатыйларның һәрберсе ниндидер сәләткә ия: кемдер уен коралларында уйный, кайсысыдыр бии, рәсем ясый, ә кемнәрдер хәрби-патриотик яктан көчле. 

«Айбагыр» этносменасына инде әзерлек эшләре башланды. Беренче эш итеп, оештыручылар 18 яшьтән алып 35 яшькә кадәр булган кызлар-егетләрдән команда туплый. Болар: сменаның иң җаваплы кешеләре – вожатыйлар; күңелләргә музыка аша юл таба ала торган диджей һәм лагерь эшчәнлеген матур фото/видео аша күрсәтеп баручы SMM белгеч.

Ә️гәр дә син үзеңне «Айбагыр»ның бер өлеше, җаны итеп тоярга теләсәң, соңга калма, түбәндәге сылтама аша кереп гариза җибәр:

 https://forms.yandex.ru/u/69cf6eaa49363997e732927b/ 

Игътибар, гаризалар 30 майга кадәр кабул ителә.

«Айбагыр»лы җәй сине көтә!

Фото: Алина Кондратьва