Җәйге тәмле коктейльләр

Карлыганлы коктейль.  Кирәк булачак: кара карлыган — 200  грамм, сөт — 500 мл, шикәр — тәменчә, боз-2-3 шакмак.

Туңдырылган яки яңа пешкән җиләкләрне юыгыз, аларга шикәр сибегез һәм боз шакмаклары салыгыз. Җиләкләргә салкын сөт өстәгез һәм 3 минут күпертегез — бу йомшак һәм каты ингредиентларны катнаштыру өчен иң кулай вакыт. Әзер эчемлекне стаканнарга салыгыз, аларга көпшәләр куегыз, өстенә тулы бер җиләк куегыз һәм өстәл янына китерегез — бу коктейльне салкын килеш эчәргә кирәк.

Тагын бер җиңел һәм тәмле эчемлек рецепты. Кирәк булачак: сөт — 250 мл, туңдырма — 140 грамм, кара карлыган-120 грамм,бөтнек-бизәү өчен

Касәгә чиста һәм коры карлыган һәм туңдырма салыгыз. Масса бертөрле булганчы күпертегез. Сөт өстәп, блендерны тагын 2 минутка кабызыгыз. Кабарынкы һава күбеге барлыкка килү белән коктейль әзер! Эчемлекне стаканнарга салыгыз һәм бөтнек белән бизәгез.

Җиләкләрдән коктейль. Кирәк булачак: банан - 1 штук, җиләк — 200 грамм, сөт — 300 мл, шикәр-30 грамм.

Җиләкне агып торган су белән юыгыз, аякларын өзегез һәм блендерда ваклагыз. Өлгергән бананны сайлап, аны чистартыгыз һәм шулай ук савытка салыгыз. Касәгә шикәр өстәгез. Җиләк әчерәк булса, тагын шикәр өстәгез. Җимешләрне һәм җиләкләрне бертөрле консистенциягә кадәр ваклагыз. Сөт салыгыз һәм тагын 2-3 минут күпертегез. Эчемлекне бокалларга салыгыз һәм коктейльне бизәү өчен бананны боҗралар белән турагыз. Бизәү өчен шулай ук туралган җиләк һәм бөтнек яфракларын кулланырга мөмкин.

Өмет