Озын гомерле булсын!

7 сентябрь көнне Яңа Чишмә районы Ленино авылында узган көз яндырылган келәү йорты урынына төзелгән яңа чиркәү ачылды. Казан һәм Татарстан Митрополиты Анастасий Яңа Чишмә, Казан һәм күрше-тирә муниципаль районнардан килгән священниклар ярдәме белән изге йортны аруландырды.

Митрополит Анастасий чиркәүнең республика халкының уртак көче белән тиз арада торгызылуын ассызыклады һәм храмны торгызу эшендә зур өлеш керткән Урман хуҗалыгы министрлыгына һәм Республика җитәкчелегенә рәхмәт сүзләре җиткерде.

Владыка Яңа Чишмә муниципаль районы башлыгы Вячеслав Козловка чиркәү төзелешенә керткән хезмәте өчен III дәрәҗә Святитель Гурий медале тапшырды. Анастасий яңа төзелгән храмның янгыннан зыян күргән элеккесенә караганда күпкә зуррак һәм яктырак
булуын билгеләп үтте. Халыкның әлеге чиркәүләрнең кадерен белеп, саклап, тиешенчә файдаланырына ышаныч белдерде.

tatatrstan-mitropolia.
ru официаль сайты
материалы файдаланылды