Саргайган пластик тәрәзә төбен ничек агартырга?

Пластик тәрәзә төбен агарту өчен гап-гади агарткыч (отбеливатель) кулланып була. Бу турыда киңәшләр сайтында язылган.

Теләсә нинди сыек агарткыч һәм каты щетка алагыз. Кулыгызга резин перчатка кияргә онытмагыз!  

Чиләккә чиста су салыгыз һәм башта тәрәзә төбен дымлы чүпрәк белән сөртеп алыгыз. Тузанын, башка чүпләрен бетерегез. Аннары щеткага агарткыч агызыгыз һәм саргайган тәрәзә төбен чистарта башлагыз. Процедура катлаулы түгел, моның өчен ун минут вакыт җитә дип ышандыралар бу сайтта.

Щетка белән почмакларны, кырыйлары чистарту да җайлы була.

Агарткыч белән чистарткач, тәрәзә төбен дымлы чүпрәк белән сөртеп алыгыз.

Әгәр беренче тапкыр ышкып кына чистармаса, агарткычны тәрәзә төбенә сөртеп, ун-унбиш минут көтеп торыгыз. Аннары кабат щетка белән ышкыгыз.

Ахырда тәрәзә төпләрен чиста суда чылатылган чүпрәк белән кабат юып чыгыгыз, диелә бу хәбәрдә.

Чыганак: Интертат

Фото: https://pixabay.com