Ковид белән авыручы кеше ничә көн вирус ияртә?

Коронавирус белән авырган кешеләр, беренче симптомнар барлыкка килгәннән соң, 10-20 көн дәвамында йогышлы булырга мөмкин. Сирәк очракларда аларның ике айга кадәр авыру таратуы ихтимал. Бу вакыт дәвамлылыгы авыруның катлаулылыгына бәйле. Бу турыда Россия Сәламәтлек саклау министрлыгының йогышлы авырулар буенча штаттан тыш белгече Владимир Чулановка сылтама белән ТАСС хәбәр итте.

«Вирус бүлеп чыгару вакыты авыруның катлаулылыгына бәйле. Тикшеренүләр күрсәткәнчә, җиңелчә һәм уртача авырлыкта чирләгәндә, авыруның беренче билгеләре барлыкка килгәннән соң, вирус, гадәттә, 10 көн чамасы бүленеп чыга. Авыру катлаулы формада булса, вирус тарату дәвамлылыгы 20 көнгә кадәр җитәргә мөмкин», — ди белгеч.

Ләкин анализның уңай нәтиҗәсе озак вакытта да булырга мөмкин. Кайчакта бу дәвамлылык ике айга кадәр җитә. Шулай да кеше бу очракта инфекция ягыннан куркыныч булмаска да мөмкин, диелә хәбәрдә.

Чыганак: Интертат

Фото: https://pixabay.com/ru