Иван Николаев: «Газетаның һәр санын кадерләп саклыйм»

Тормышның төрле ягын күргән Иван дәдәй газетаның бер санын да калдырмый укый. Алай гына да түгел, ул һәр санны туплап бара.

«Керәшеннәрнең үз газетасы булу —  зур сөенеч. «Туганайлар» көндәлек тормышта да олы ярдәмче, йолаларыбызны саклау өчен бик кирәк. Аеруча, «Белемнек» битләрен яратып укыйм. Ул иманнар һәрберебезгә кирәк дип саныйм. Газетаның һәр саны да бар миндә, аларны кадерләп саклап торам. Басылып чыккан бер язманы да калдырмыйча укып барам. Редакциядә эшләүчеләр бик зур эш башкаралар! Уңышлар гына телим», — дип сөйләде ул.