Татарстанда 10 майга кадәр чүп-чар һәм корыган үлән яндыру тыела

13 апрель 2023 - 12:30 Автор:

Туганайлар

977

Татарстанда 17 апрельдән янгынга каршы махсус режим кертелә, ул 10 майга кадәр гамәлдә булачак.

Россия Гадәттән тыш хәлләр министрлыгы ТР буенча Баш идарәсенең күзәтү эшчәнлеге идарәсе башлыгы Максим Трущин «Татар-информ» агентлыгында узган матбугат конференциясендә шулай дип белдерде.

«Татарстанда чүп-чар һәм корыган үлән яндыру тыела. 116 торак пунктта шулай ук шашлык кыздырырга һәм учак ягарга рөхсәт ителми», - дип искәртте Максим Трущин.