1 февральдән социаль түләүләр арта
Балалар пособиеләренә килгәндә...
Инвалидларга түләүләрне индексациялиләр, җирләү өчен бирелә торган социаль пособиене дә арттырачаклар.
1 февральдән Россия халкы ала торган 40тан артык пособие һәм компенсация 11,9 процентка артачак. Индексация радиация яисә производствода зыян күрүчеләргә, хәрби хәрәкәтләр ветераннарына һәм махсус хәрби операциядә катнашучыларга бирелә торган компенсация түләүләренә кагылачак. Бу хакта тиешле документка сылтама белән «Парламентская газета» хәбәр итә.
Чернобыльчеләргә, Советлар Союзы һәм Россия Геройларына, Дан орденының тулы кавалерларына, Хезмәт Геройларына компенсацияләр артачак. Индексация сугыш инвалидларына, Бөек Ватан сугышында катнашучыларга һәм әлеге категория гражданнарның гаилә әгъзаларына кагылачак.
Моннан тыш, инвалидларга түләүләрне индексациялиләр, җирләү өчен бирелә торган социаль пособиене дә арттырачаклар. Балалар пособиеләренә килгәндә, бала туганда бер тапкыр бирелә торган түләү, бала караган өчен айлык пособие, ана капиталы күләме артачак.
Хәрби хәрәкәтләрдә катнашкан ветераннарга да түләүләр артачак – мондый статусны Украина, Донецк Халык Республикасы, Луганск Халык Республикасы, Херсон һәм Запорожск өлкәләрендә махсус хәрби операциядә үз иреге белән катнашучылар һәм махсус хәрби операция уздыру төбәкләре янындагы чик буе территорияләрендә үз бурычларын үтәүче Федераль куркынычсызлык хезмәте хезмәткәрләре алачак.
Пособиеләр һәм түләүләр ел саен индексацияләнә. Ул узган елгы бәяләр арту күрсәткеченнән чыгып билгеләнә, дип белдерде Федерация Советының Социаль сәясәт комитеты рәисе урынбасары Елена Бибикова. «2022 елның февралендә түләүләр 8,4 процентка арткан иде. Ләкин узган ел бәяләр тизрәк күтәрелде. 2022 елның декабрендә еллык инфляция 11,94 процент тәшкил итте», - ди ул.
Татар-информ
Фото: 9111.ru
Следите за самым важным и интересным в Telegram-каналеТатмедиа
Керәшен дөньясындагы яңалыкларны ВКонтакте, Телеграм-каналда карап барыгыз.
Хәбәрләрегезне 89172509795 номерына "Ватсап" аша языгыз.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев