Без кемгә кирәк

Хөрмәтле редакция!
Газетагызны күп­тән алам, яратып укыйм. Соңгы араларда әллә ни булды бу керәшеннәргә. ТНВ каналыннан узган атналарда чыккан тапшырулар ботенләй
дә аптырашта калдырды. Газетаның соңгы саны килеп, "түгәрәк өстәл" материалларын укыгач кына, бераз аңладым кебек. Бу телевидение журналистларын
әйтәм, әллә аңламыйлар, әллә санламыйлар? Чынлап та, үзебезгә аерым тапшырулар кирәклегенә тагын бер кат ышандым. Үз сүзебезне әйтә алмыйча, ятлардан күпме сөйләтергә була? Без үзебездән башка кемгә кирәк соң?

Мондый "түгәрәк өстәл"ләр күбрәк булсын, проблемаларыбыз күбрәк яктыртылсын иде. Оештыручыларга рәхмәттән башка сүз юк. Моны аңлап бетермәүчеләр барлыгы гына азрак күңелне төшерә. Үзебезгә ярдәм кулы сузарга теләгәннәргә дә гаеп ташласак, безнең белән киләчәктә кем генә эшләр соң?

Елена АЛЕКСЕЕВА,
Зәй шәһәре