Зәй егетләре сынатмый

Ул яшьләрнең иң булганнарын, киләчәккә төрле якты планнар белән яшәүчеләрне берләштерә. Яшь-җилкенчәкләрнең иң энергияле, актив һәм хыялый вакытлары бит. Юкка гына, студент хезмәт отрядларында булган һәр кеше, аны җылы итеп, "яшьлегемнең иң матур, иң кызыклы, онытылмаслык вакыты" дип искә алмыйдыр. Зәй яшьләре арасында да каникулларда ял итәсе урынга, студент отрядларына кушылып эшкә китүчеләр бар. Шундыйларның берсе – Зәй политехник колледжы студенты Данила Багурин. Бу көннәрдә без студент егет белән очрашып, аның тәэсирләре белән уртаклаштык.
- Данила, студент хезмәт отрядларына эләгү тарихы белән безне дә таныштыр әле...
- Мин мәктәптә 9 сыйныфта укыганда ук танышларымнан студотрядлар ярдәмендә Кырымга эшкә баруларын ишеттем һәм бу юнәлеш мине дә кызыксындырды. Колледжга укырга кергәч, социаль челтәрләрдә Зәй студентлар отрядлары үзәгенең белдерүен күреп, беренче утырышка килдем. Минем студентлар отрядларына эләгү тарихым шулай башланды. Республика территориясендә ел саен студотрядлар өчен төрле юнәлешләр буенча укулар оештырыла.
- Син нинди юнәлештә кайда хезмәт куйдың?
- Кырым республикасында Утес поселогында бер санаторийның ресторанында официант булып эшләдем. Официант һөнәренең барлык нечкәлекләренә төшенеп, хезмәтемне яратып башкардым. Коллективка бик тиз кереп киттем. Өйгә кайткач, көнемнең савыт-саба юу, кунакларга хезмәт күрсәтүдән түгел, ә укудан һәм башка көндәлек эшләрдән торуына күнегү авыррак та булды.
- Буш вакытыгызны ничек үткәрдегез?
- Мин эшләгән ресторанда нигездә җирле халык һәм Украинадан килүчеләр, шулай ук Татарстаннан килгән ике дистәләп кеше хезмәт куйды. Буш вакытта, әлбәттә инде, диңгездә коендык, Ялта, Севастополь, Симферополь шәһәрләренә сәяхәт кылдык. Шулай ук бик яратып таулар буйлап йөгерергә чыга идек.
- Хезмәт хакыннан син канәгать калдыңмы?
- Әлбәттә, беренче тапкыр аны эшкә керешкәннән соң якынча ярты ай узгач түләделәр. Ә аннан инде килешүдә каралганча даими рәвештә хезмәт хакы алдык. Зарланмыйм.
- Данила, киләчәккә планнарың белән дә таныштыр инде...
- Колледжны тәмамлаганнан соң ук хәрби бурычымны үтәргә - армиягә китәргә ниятлим. Хәрби диңгез флотында хезмәт итәсем килә. Ә инде хезмәт итеп кайтканнан соң, югары белем алырга телим.

Ул яшьләрнең иң булганнарын, киләчәккә төрле якты планнар белән яшәүчеләрне берләштерә. Яшь-җилкенчәкләрнең иң энергияле, актив һәм хыялый вакытлары бит. Юкка гына, студент хезмәт отрядларында булган һәр кеше, аны җылы итеп, "яшьлегемнең иң матур, иң кызыклы, онытылмаслык вакыты" дип искә алмыйдыр. Зәй яшьләре арасында да каникулларда ял итәсе урынга, студент отрядларына кушылып эшкә китүчеләр бар. Шундыйларның берсе – Зәй политехник колледжы студенты Данила Багурин. Бу көннәрдә без студент егет белән очрашып, аның тәэсирләре белән уртаклаштык.
- Данила, студент хезмәт отрядларына эләгү тарихы белән безне дә таныштыр әле...
- Мин мәктәптә 9 сыйныфта укыганда ук танышларымнан студотрядлар ярдәмендә Кырымга эшкә баруларын ишеттем һәм бу юнәлеш мине дә кызыксындырды. Колледжга укырга кергәч, социаль челтәрләрдә Зәй студентлар отрядлары үзәгенең белдерүен күреп, беренче утырышка килдем. Минем студентлар отрядларына эләгү тарихым шулай башланды. Республика территориясендә ел саен студотрядлар өчен төрле юнәлешләр буенча укулар оештырыла.
- Син нинди юнәлештә кайда хезмәт куйдың?
- Кырым республикасында Утес поселогында бер санаторийның ресторанында официант булып эшләдем. Официант һөнәренең барлык нечкәлекләренә төшенеп, хезмәтемне яратып башкардым. Коллективка бик тиз кереп киттем. Өйгә кайткач, көнемнең савыт-саба юу, кунакларга хезмәт күрсәтүдән түгел, ә укудан һәм башка көндәлек эшләрдән торуына күнегү авыррак та булды.
- Буш вакытыгызны ничек үткәрдегез?
- Мин эшләгән ресторанда нигездә җирле халык һәм Украинадан килүчеләр, шулай ук Татарстаннан килгән ике дистәләп кеше хезмәт куйды. Буш вакытта, әлбәттә инде, диңгездә коендык, Ялта, Севастополь, Симферополь шәһәрләренә сәяхәт кылдык. Шулай ук бик яратып таулар буйлап йөгерергә чыга идек.
- Хезмәт хакыннан син канәгать калдыңмы?
- Әлбәттә, беренче тапкыр аны эшкә керешкәннән соң якынча ярты ай узгач түләделәр. Ә аннан инде килешүдә каралганча даими рәвештә хезмәт хакы алдык. Зарланмыйм.
- Данила, киләчәккә планнарың белән дә таныштыр инде...
- Колледжны тәмамлаганнан соң ук хәрби бурычымны үтәргә - армиягә китәргә ниятлим. Хәрби диңгез флотында хезмәт итәсем килә. Ә инде хезмәт итеп кайтканнан соң, югары белем алырга телим.

Тулырак: http://zainsk-rt.ru/news/ya%D2%A3alyiklar/zy-egetlre-synatmyy