Уч төбе кадәрле фото кадерле хатирәләр саклый

Бу истәлекле ретро фото Россия дәүләт музей фонды каталогында саклана. Аннан яшьлек үзе сиңа карап тора сыман. Бу фотога — 31 ел.

— Беренче әзерләгән «Аулак өй» күренеше фотосы! Балык Бистәсе районының Котлы Бүкәш мәдәният йорты, 1992 ел. Район мәгариф бүлеге җитәкчелеге тарафыннан оештырылган конкурс иде ул. Фотода (сулдан уңга): Анна Степанова, Югары Тегермәнлектән килгән укытучы Земфира Галимова, мин (Евдокия Толстова (ул вакытта Баширова идем әле), Валентина Трофимова, Любовь Волкова, Валентина Якушина. 

Анна, Валя һәм Любовь бик матур җырлыйлар иде. Ә Валентина Трофимова, җырлавы гына түгел, сәхнәдә рольне оста итеп башкаруы белән дә таң калдырды. Шушы фотога карап, еллар үткәч тә беренче карлыгачларым белән горурланып утырам, — дип сөйләде Евдокия Толстова.