Субаштан Максимовлар май аенда үз кыярларын ашый

Теләче районының Субаш авылыннан Максимовлар гаиләсе иртә яздан кыяр ашый башлый. “Помидорны теплицада, кыярны парник та үстерәбез. Апрель башында кыярларны ике литрлы сок савытларын уртага кисеп чәчәм. Урамга чыгарып утырт  канда тыҗымнар җибәргән була инде. “Кураж”, “Детки на ветки”  дигән сортларны яратабыз. Әче дә булмыйлар, тозларга да яхшы, күп тә була”, - дип киңәш бирде Вера Максимова. Алар кыяр түтәлен авыл җирендә популяр булган ысул белән ясыйлар. Иртә яздан 50-60 сантиметр биеклектә тирес өеп, шуңа 20-25 сантимерт калынлыкта туфрак салып, түтәл ясыйлар. Балчык салгач та марганцовкалы кайнар су сибеп, пленка белән каплап куялар. Шулай иткәч, тирес иртә һәм салкын язда җылы биреп утыра.

Язгы бер көн ел туйдыра, диләр. Үзең үстергән яшелчә, җимешләр бик тәмле һәм файдалы да. Кибеттән сатып алганга тормый инде...