Синоптиклар февральдә салкыннар һәм җепшек көннәр булыр дип фаразлый

Россиядә февраль аенда һава торышы үзгәреп торачак — кисәк салкынайтып та җибәрәчәк, җепшек көннәр дә булачак. РИА Новости агентлыгы Россия Гидрометеоүзәгенең фәнни җитәкчесе Роман Вильфандка сылтама белән шул хакта хәбәр итә.

«Һава температурасының -15 градуска кадәр, хәтта аннан да түбән төшүе, шулай ук җепшек көннәр дә көтелә», — дип аңлатты белгеч.

Аның сүзләренчә, ай башында температура климатик норма дәрәҗәсендә булачак.

«Февраль нормага туры килгән салкынча һава торышыннан башланачак. Төнлә һава температурасы -10, -14, көндез -7, -10 градус тәшкил итәчәк. Бу — кыш өчен нормаль һава торышы», — диде Вильфанд.

Татар Информ

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.