Римма Никитина әнисенә: «Бөтен кешегә дә ошарга, мин бриллиант түгел»

Римма ялларда авылга әнисе янына кайткан. Әнисе «Ахмат – Сила» җыры турында «подписчик»лары калдырган комментарийларны укып утыра.

«Бааар монда кызым, матуры да, начары да. Син дә ошамагач, бу подписчикларыңа кем генә ошар икән. Шаккатам! Ничек шулай язарга була?» – дип борчыла.

«Мама, мин бриллиант түгел бит инде бөтен кешегә ошарга», – ди Римма.

«Ничек инде?! Син – минем бриллиантым. И кызым, ярый син кайтасың әле. Ай саен бөтен өйне җыештырып, юып, өйне көлеп калырлык итеп китәсең. Шушы уңган-булган кызыма бер кияү дә тапсак, дөнья түгәрәкләнә инде», – ди ул.

«Алтыным, сиңа нинди кияү кирәк соң?» – дип сорый Римма.

«Акыллы, тәүфыйклы, миһербанлы, шәфкатьле, безне ярата торган, сине ярата торган. Килеп чыгар әле, үз насыйбың көтә торгандыр кызым», – дип тезеп китә әнисе.

Римма әнисенә «Ярар, кияү егете белән тиздән таныштырырмын»дип җавап кайтара. Әнисе гаҗәпләнеп «Ә-ә?» – дип, аптырап кала. 

Әллә инде Римма чыннан да, тиздән кияүгә чыгачак?